Update September 2007

Update im neuen Schuljahr HS 07/08

Wie immer han ich es paar Infos für eu parat und zwar:

Immer am Mäntig vo 11:30 -13:00 isch BibelGruppe im Zimmer 220

Vo 11:30-12:25 Isch ziit zum zäme z`ässe und schwätze

Vom 12:25- ca. 13:00 isch Ziit zum Ustusche, Bäte, Bible läse usw.

Am Mittwuch i dä 10ni – Pause( 9:30-9:50) isch Gebet im UG vom hinderä Stägehuus

Am 20. November isch PrayDay

Ä churzi Beschriebig däzue:

In ganz Europa beten am Dienstag 20. November 07 junge Menschen für ihre Schulen, Klassenkollegen, Lehrer und Behörden. Hunderte von Schülern liegen Gott mit ihren Freuden und Sorgen in den Ohren. Genial, dass Gott Gebete erhört und dadurch Situationen und Menschen verändert werden!

Häsch der nöd au scho vorgstellt ha wies wär wen tusigi vo Lüüt zäme würed für öpis bete? Genau das wird am PrayDay däfall si tusigi vo Lüüt werded ä däm Tag zäme bäte, für d Schuele und überhaupt.

Dänn am 10.+ 11. November isch dä Treff 07 z`Basel, das isch es Treffe für alli wo BGs, organisiert vo dä BG am Freie Gymnasium Basel.

Häsch Luscht en huufe spannedi udn cooli Lüüt vo anderne BGs z`treffe udn näbed bi na cooli Worksops und än Gottesdienst z`fiire? Dä mäld di bi mir, will s wär cool wemer als es Grüppli vo KZu chönnted gah. S gäbt au an chli Rabatt (ab 3 Persone).

Dänn was han i na vergässe? Hmm… gäb eigentlich kei Infos meh usert, dass i eu ganz fest wött däzue ermuetige eifach im Glaube dra z`blieb und im gebet für eusi Schul ihzstah.

Dänn han i na en coole Vers gfunde won ich mer genau so au für eus wünsche:

Epheser 1,18

Er öffne euch die Augen, damit ihr seht, wozu ihr berufen seid, worauf ihr hoffen könnt und welch unvorstellbar reiches Erbe auf alle wartet, die an Christus glauben.

Also bliebe mer dra!

Ja dänn wünsch ich dir an ganz en schöen Abig, Tag oder wasd gad na vorder häsch und wür mi freue dich i dä BG em Gebet oder au eifach susch im Schuelhuus wieder z`gseh.

Freitag-Abend (Planänderung)

hallo alli zäme

Da Wätterbricht für dä Fritigabig na chli vage isch unds etz au es paar Täg gregnet hät, werde mer nöd uf Eglisau go grilliere, sondern es Spaghettiässe mach i dä EMK(adä Nordstr. 1 z Bülach)

S Wird so am 18:30 zässe gäh, und nachher werde mer na Ziit ha zum ustusche, Spieli mache und eifach en coole abig gnüsse.

Damit mer aber für gneug lüt chönd choche isch es wichtig, das ihr eu ahmelded und zwar uf die E-Mailadresse, oder bi mir per sms.

Mail: gebetatkzu@hotmail.com
SMS: 079 586 97 21

Und zwar bis am Fritig am 16:00!!!!

ich wünsch eu na ganz en schöne tag und mer gseht sich!

Lg dä Roman

PS: sägeds doch na witer, damits au die erfahred, wo nöd uf däSite verbi lueged oders per mail scho erfahre händ.

Homeweek 2/07 update 27.6

Jupi es gits nomal ä Homeweek das Jahr und zwar vom 1. bis zum 6. Juli NÖD i dä Baptischte z Bülach, aber sie wird stattfinde, Infos folged so schnell als mögli. Sie wird idä EMK Bülach sattfinde ( Nordstrasse 1, gad bim Bahnhof in Richtig Spital)

Was du söttsch mache zum au däbi z si, isch dich mit emne Ahmeldetalon, wo dir verteilt wird,ahmelde, oder dich gad per mail oder sms ahmelden a gebetatkzu@hotmail.com oder 079 586 9721.

Was du söttsch mit näh, isch en Schlafsack, Finke oder susch Huusschueh, Toilettezügs und gueti Luune.

Ja das eigentlcih scho a Infos zur Homeweek. S Wucheprogramm werde mer bald au da veröffentlich, aso s wird sicher Worship& Gebetsabig gäh und am Fritig göhmer uf Eglisau go brötle an Rhy.

Das ca. 30 min vom Bahnhof Eglisau z laufe isch, werde mer(für die wo nöd selbsteändig mit em Velo chömed) am 19:10 vom Bahnhof her ablaufe, d.h. am 19:01 z Büli uf dä Zug.:-)

Dä gnau Wegbeschrieb :

Grossahsicht: http://map.search.ch/d/jvhymy1n2?x=196&y=88&p=609×392
Nahahsicht: http://map.search.ch/d/zy0mgu0nd?x=1654&y=296&z=1024&p=640×584

Du söttsch eifach s`Grillguet, evtl. en Salat oder z`Trinke selber mitnäh. S wir öpe ab em halbi 7ni ahgfüüret und dänn bis ca. am 11 oder so, je na Lüü, Wätter und Luscht gah.

Lg Roman

Update 15.5

Hallo zäme

Ja mich gits na und sluegt däre Site au na öper, s lauft au einiges a dä Kanti, ich han emel dä Ihdruck, dass sich einiges am tue isch und sich na vieles wird tue, wenn mir au parat sind däzue. Vorluter Ferie und Prüefige isch aber dä letscht Newsletter undergange, s tut mer aso leid. So etz aber zu dä Infos:

Und zwar ruckt dä 6. Juli immer nöcher… wo mer eus wötted als alli Christe vo dä Kanti zämetreffe und go grilliere und eifach änand mal nöcher kennelerne.

Dänn werded er die Wuche wenn möglich na en Flyer becho wo das namal gnauer beschriebe isch, was i im letschte mail ahtönt han, dass jede 1-2 oder au 3 Persone us sinerä Klass ä chlini Ufmerksamkeit schenkt, wüki chli so es Schoggistängeli oder vilicht eher äs Glacé etz wos ja so schön warm isch oder irgendöpis. ich gläb ihr sind da na viel kreativer als ich

Hüt und so eigentlich jede Mäntig isch BG im Zimmer 220 vo 11:30 – 13:10
1. Mittagstund zäme ässe und
2. Mittagstund ustusche, Bibelläse und bäte

Dänn isch übermorn wie immer am Mittwuch i dä 10ni-Pause Gebet (wenn er im hinderä Stägehuus ganz abe gönd werded es scho finde:-)) Und für all die wo sich nanie Ziit gna händ däfür nämed sie au ich versprich eus ihr werdeds nöd bereue. Eifach mal abschalte vom Schuelstress und vor Gott cho.
Wür mi freue s eint oder anderä „neue“ Gsicht z`gseh.

Ich find mega cool, wend durs Schuelhuss lauf und praktisch jedesmal irgend me Chrischt über dä Weg lauf und ich wünsch mer na viel meh Christe z`gseh a eusere Schuel, das s Chrischtsi wieder zum ne Thema wird und Gott nöd nur i Fluechwörter i dä Gspröch vorchunnt, sondern s Gspröchsthema Nummer 1 wird !!!

Mit liebe Grüess dä Roman

PS: Wenn öper gad än super Grillierplatz z.B. gad am Rhy kenn söll er sich doch mit mir in Verbindig setzte.

Das hät Jesus dänne gseit hät, wo händ welle mit ihm gah:

Luk. 7 59-62

59 Einen anderen forderte Jesus auf: «Gehe mit mir!» Als dieser erwiderte: «Ja, Herr, aber vorher laß mich noch meinen Vater beerdigen», 60 antwortete ihm Jesus: «Überlaß es denen, ihre Toten zu begraben, die nicht auf Gott hören und nichts vom ewigen Leben wissen wollen.2 Du aber sollst verkünden, daß Gott seine Herrschaft aufrichtet.» 61 Noch einer sagte zu Jesus: «Ich will mit dir gehen, Herr. Wenn ich mich von meiner Familie verabschiedet habe, komme ich mit.» 62 Ihm antwortete Jesus: «Wer anfängt zu arbeiten und sich dann durch irgend etwas ablenken läßt, kann Gottes Auftrag nicht ausführen.»

Löhmer eus nöd länger vo eusne Umständ dra hinderä Gott nahzfolge und a euser Schuel ufzstah!
Das heisst nöd das mer kei Uftzgi meh sölled mache oder nümm voll ufpasse i dä Schuel wäg däm, aber nir söll das tue wo Jesus a euserä Stell wür tue! AMEN

Update vom 2.3.

Hey dä Winter isch verbi und s wird wieder wärmer…(welle Winter)oops falsches Jahr sorry.

S isch ja jetzt scho recht warm und doch han i na äs paar ganz heissi News für dich!!!
gad am Ahfang mal d Übersicht über all das wo eb etz a dä Kanti chrischtlichs alles lauft:

Montags: 11:30 – 13:10 BG
Mittwochs: 9:30 – 9:50 gebet@kzu
Freitags: Go(o)d Food Mittag
Mo-Fr: 7:45-7:55 Früehgebät

Und zwar wirds ab sofort en „Go(o)d Food Mittag“ gäh.
(fallst en vorschlag für en bessere Name häsch gad säge!! S isch eifach mal so mini i erscht Idee gsih)

Dä GFM findet jewills am Fritig i dä 2. Mittagsstund( 12:25- 13:05) i dä Mensa statt. Und zwar sölls eifach en „Chrischte Tisch“ sih wo mer änand besser kenne lernt und mitenand isst.

Zum nögschte und zwar wirds ab nögschter Wuche wieder es Früehgebät gäh, d.h. es gits eigentlich etz scho und zwar betet d Sashika und ihri Kollegine täglich am 7:45 vor ihrem jewillige Zimmer, doch wärs cool wenn na meh würed dä bi si und s Früehgebät wieder zu allter Stärchi wür cho.

D Treffpünkt wäred am:

Mo. 2.Stock bi dä WC
Di. 3. Stock bim Zimmer 309
Mi. Erdgschoss bim Zimmer E39
Do. 4. Stock bim Zimmer 404
Fr. 2 Stock bim Zimmer 215

Und hey was macht di fiter als am Dunnstig morge churz in 4. Stochk ufe und nachher wieder aberenne? Und öpis bessers als mit Gott in Tag starte gits ja au nöd. Also d Sashi und ihri Kollegine würed sich sehr freu dich au mal i ihrere morgendliche Rundi s gseh.

Und namal ä erfreulichi News: Scho bald wird a dä Publikationswand ä Praybox hange, wo mer anonym es Zädeli mit meh Gebetsahliege chan ine rüehre und für das nachher betet wird. Mached doch au gad eu Mitschüler wo noni Christ sind druf ufmerksam.

D BG wird das Semester übrigens im Zimmer 220 statfinde und zwar immer am Mäntig vo 1130 -13:10
1. Stund isch zäme si und foode und
2. Stund isch bibellese und bäte

And last but not least: Am 6.7.07 werde mer äs fetts Barbecue oder suscht än coole Abig organisiere wos mega wär, wämer mal als volli Einheit vo Christe vo dä Kanti Bülach chönnted zäme cho und mal gseh wie viel mer eigentlich sind. Du wirsch di wunderä, wer alles Chrischt isch und drum markier der dä Tag etz scho Fett i dinerä Agenda oder überem Bett oder wo au immer, eifach so, dass der en frei bhaltsch!!

So ich gläb das wärs a Infos für dä Moment gsih.

Di jewillige Frtigabigtreffe sind bis uf witeräs mal uf Iis gleit falls aber Intresse ume isch oder si sogar vermisst werded, dänn melded eu doch umgehend bi mir und mer werdeds wirder ihfüehre.

So etz isch gläb wüki alles und ich wünsch der na ganz en schöne abig oder en guete tag je nachdem was etz gad für Ziit isch bi dir. Blieb in Jesus und heb Mut zu dim Glaube z`stah!

Und handled nach em Leitfvers:
„Lasst Christus den Mittelpunkt eures Lebens sein. Seid immer dazu bereit, denen Rede und Antwort zu stehen, die euch nach der Begründung eures Glaubens fragen!“ (1. Petrus 3,15 HFA)

Hallo zäme!!

So sinder alli guet überägrutscht is neue Jahr?
Ich wünsch eu allne jedefalls äs wünderschöns und cools 2007 und vieli coli Erlebnis mit Gott, gad au a euserä Kanti.

Uf das mer en huufe vo eusne Idee chönd verwürkliche und so Gott wieder gross mache a euserä Schuel!!! Sind er parat?? Ich han nämlich dä Ihdruck Gott wött i däm jahr mega viel verändere i euserä Schuel udn zwar durch dich, du wod etz das gad am läse bisch! Ich fröi mi scho riesig dich (wieder) z`gseh!!

Als Losig für`s neue Jahr passt dä Vers perfekt(Für die wo am Praiscamp gsih sidn kenned si):

„Lasst Christus den Mittelpunkt eures Lebens sein. Seid immer dazu bereit, denen Rede und Antwort zu stehen, die euch nach der Begründung eures Glaubens fragen!“ (1. Petrus 3,15 HFA)

I dem Sinn alles, alles Gueti und ja mer gseht sich!!

Ganz liebi Grüess dä Roman

PS: Dä Newsletter wird i dä nögschte Tage folge*g*

Mir händ verschiedeni Treffä, demit jede vo gern möcht au chan cho. (was nöd heisst, dassmer wämmer chan, immer mues cho =))

Nachfolgend e Zämästellig:

1. Jedä Mittwuch idä 10ni Pause under dä hindere Igangshalle (powerpray =))
2. BG-Mittag am Mäntig im Zimmer 220 vo 11:30-13:00
3. Go(o)d Food Mittag am Fritig i dä Mensa vo 12:25-13:10
4.  Früehgebät täglich vo Mo.- Fr. 7:45-7:55

PrayDay

Hoi du!!

Ja genau du. Häsch der nöd au scho überleit wie cools wär, wenn alli junge Christe vo Europa mal würed zäme bäte?
Wenn ja han i der ä super mega cooli Nachricht.

Am 21.November(d.h. inerä Wuche) isch PrayDay und alli Christe, vor allem di Junge wärded dä zue ufgruefe a ihrerä Schuel oder wo au immer z`bäte.

Wend au du gern däbi wärsch und motiviert bisch, dänn chum am Zistig 21.11 i dä 10ni-Pause (9.30-9.50) is Undergschoss vom hinderä Stägehuus a dä KZU und triff ( än Huufe) Glichgsinnti vo euserä Schuel.

Ich wür mi mega freue au dich z`gseh. Aso nöd vergässe am Zistig i dä 10ni-Pause.

Mit liebe Grüess eue Brüder in Jesus, dä Roman

PS: Bi Frage eifach maile a r_stierli@hotmail.com oder
gebetatkzu@hotmail.com

Gebätsträffe am 24.November

Wow, isch wüki scho wieder en Monat vergange? Etz isch dänn scho November, s wird wieder neblig und chalt.

Drum chum doch au am 24.November(ein Tag vor dä Praisenight) uf Büli id Baptiste zum dich mit andernä Christe vo euserä Kanti z`treffe, dich mitne ustusche, z`singe, z`bäte ,us z`tusche und gmeinsam für eusi Schuel ihstah und natürli na viel meh und das alles a dä Wärmi!! Da wird mer gad warm ums Herz.

Also hey verpasses nöd s wird sicher cool, vor allem wänn au du däbi bisch! Du dörf selbstverständlich au als ehemalige oder als Kantischüler vonerä anderä Kanti eifach cho ineluege und dich wohlfühle. Mir sind da ganz offe.

 S wird au en Input gäh und na vieles meh, wirsch dis Cho also sicher nöd bereue. Ich wür mi jedefalls sehr freue dich z gseh!

 Merk der s Datum also etz scho vor und chum am 24. dänn au.

Wie dä Sunnestrahl i die Höhli Söll doch au Gott i eusi Kanti cho und si erhelle!
I däm Sinn lönd eus für eusi Schuel ihstah!

Ich wünsch der na ganz en schöne Abig, Morge oder eifach no en schöne Tag je nachdem was etz gad für Ziit isch bi dir und heb di warm s wird wüki langsam chalt

Liebi Grüess dä Roman

Gebätstreffe vom 27. Oktober

Hallo zäme

Wie all Mönät wieder d Ahkündigung vom nögschte Gebetsträffe.

S`nögschte Treffe findet am 27. Oktober und wie gwonht i dä Baptischte statt.

Start isch wie immer am 19:30.

Und hey s sind wüki alli Kantischüler d.h. au vo anderä Kantis ganz herzlich ihglade und au für alli Ehemalige staht d Türe wiit offe.
Für alli wo no nie cho sind, mir werded äs paar Lieder singe, mitänand ustusche und bäte, eus ermuetige und eifach cooli Gmeinschaft ha.

Also reservier der dä Abig etz scho und chum verbi. Dä 27.Okt. isch übrigens gad ä Wuche nach dä Ferie.

I dem Sinn wünsch ich eu na ä super gueti Wuche vor dä Ferie schöni Ferie und hoffe eu nach dä Ferie am Fritigabig z`gseh.

Ich freu mich scho riesig und plange etz scho däna. Und wänn du wien ich au nöd so lang magsch gwarte dänn chum doch au am Mäntig über dä Mittag id BG (Bibelgruppe) im Zimmer 223 oder aber am Mittwuch i dä 10ni- Pause is hinderä Stägehuus ganz abe zum Gebet. Mer bissed au nöd!(emel normalerwies wämer gnueg gässe händ*g*)

Mit liebe Grüess dä Roman