Gebätstreffe am 29.September

Hallo zäme

Es freut mich das ich d Ahsag für s nögschte Gebätstreffe chan schriebe und zwar isch es am 29. September, also ich chli meh als 3 Wuche. Merked eu s Datum etz scho vor und chömed a däm Fritig uf di 19:30 id Baptischte z Büli. S wird en Abig si wo mer werded ustusche, bäte, singe, vonenand lehre und gmeinsam für eusi Kanti ihstah um so Gott euse Vater z verehre.

Wie wichtig das d Gmeinschaft isch und wie viel sie chan bewürke hät eus Jesus i dä Bible gnauer gseit im Matthäus 18:

¹⁹Das aber sage ich euch: Wenn zwei von euch hier auf der Erde meinen Vater im Himmel um etwas bitten und darin übereinkommen, so wird er es ihnen geben. ²⁰ Denn wo zwei oder drei in meinem Namen zusammenkommen, da bin ich in ihrer Mitte.

Also wemer doch die Chance nutze und gmeinsam für eusi Schuel und für änand im Gebet vor Gott cho. Verpass die Möglichkeit also nöd und mach dich am Fritig 29. September uf id Baptischte z Büli.

Für alli wo no nie cho sind s isch ganz locker und jedesmal wieder ä bericherndi und cooli Erfahrig gsih wänn mer eus troffe händ und mit dir wirds na viel besser.

Also dänn wünsch ich eu witerhin ä gsägneti Wuche und mer gseht sich hoffentlich in drü Wuche. Aso ich freu mi scho wieder riesig druff.

Dä Roman

PS: Chum doch au mal am Mittwuch i dä 10ni Pause cho go bäte, mir träffed eus jewils bi dä hinderä Stäge ganz z`underscht. So das isch et ändgültig dä letschti Satz für hüt *g* , mer gseht sich.

Gebetstreffe am 1.September

Hallo zäme brothers from other mothers and sisters from other misters

Ich hoffe au ihr händ d Ferie bis etz sehr gnosse und nöd gross under dä “warme” Temperature glitä.

Am 1. September am 19:30 isch es also wieder sowit, es wird es witers Gebetstreffe gäh. Merked eu dä Fritig also scho dick vor i dä Agenda.
Ort des Geschehens isch wie bis anhin d`Baptiste z`Büli.

Ich freu mi jetzt scho riesig, eu all wieder z gseh und umso meh gad au neui Gsichter z`gseh. Mir treffed eus zum änand usztusche, für änand z bete und eifach ä cooli und Ziit z`ha wo mer Gott so chönd verehre wien er`s verdient. Also laded au all diä ih wo no nie cho sind ihr werdeds nöd bereue, will Gott wird dete si.

Ich wünsch eu witerhin schöni Ferie gnüsseds witer so wie bis etz oder no viel meh, aber vergessed däbi au Gott nöd. Mached Ferie nöd vo Gott sondern mit Gott, will au er chunnt gern mit und laht eu nie im Stich.

Eis na zum Schluss:”Bleibt fest mit mir verbunden, und ich werde ebenso mit euch verbunden bleiben! Denn so wie eine Rebe nur am Weinstock Früchte tragen kann, so werdet auch ihr nur dann Frucht bringen, wenn ihr mit mir verbunden bleibt.” Joh. 15, 4

Wie scho gseit schöni Ferie und bis bald
dä Roman

Gebetsträffe 30. Juni

Dä nöchscht Abig wommer zämächömmed wirft sini Schatte vorus…(cooli formulierig hehe) Ich wett eu dadezue vo ganzem Herzä ilade, ich glaub es lohnt sich!(dadezue spöter na meh) Für eus Maturande isch das übrigens dä letzti Schueltag, was zuglich ä Quelle für tüüfe Schmerz und unbeschriblichi Freud isch. =) Aber zruck zum eigentliche Grund für dä Post: Mir treffed eus am 30 Juni, 19:30 idä Baptischtegmeind z'Bülach zum eus ustusche, eus z'ermuetige und Gott mit eusem Läbe i eusere Schuel, aber au eusne Fründe z'diene. Mir wänd euse König und herrliche Gott in Mittelpunkt stellä und ihm alli Ehr gäh! Villicht chan sZiel vo dem Treffä dur das sfolgende Zitat unterstriche werde:

"Gott ruft kleine Herzensgemeinschaften ins Leben, die kämpfen sollen – füreinander und um die Herzen der Menschen, die noch nicht frei geworden sind. Diese Kameradschaft, diese Vertrautheit, dieser unglaubliche Einfluss von nur ein paar beherzten Seelen – das gibt es tatsächlich. Das ist das christliche Leben, das Jesus uns gegeben hat. Es ist vollkommen normal. " =) 

I dem Sinn, wünsch ich dir e gueti Ziit und freu mich riesig dich wieder z'gseh! Ich würd mich natürlich au freue es paar neui Gsichter z'gseh: Falls du Chrischt bisch und ad Kanti gahsch und dich das wo mir mached intressiert, chum doch eifach mal verbii!=)  (Mir bissed nöd…ja guet bidä Simi isch das nöd so eifach z'säge)A die wo Boxästopp händ, söll na gseit si: Nehmed dFrühlingsrolle eifach zu eus mit! So eifach isch das…hehe

Euse liebendi und gnädige und allmächtige Vater mög dich segne und dich mit sinere Liebi umgeh, mögsch du vo ihre erfüllt sie, dass sie us dir usesprüeht und dini Auge lüchted vo dem Füür, wo i dir brennt…mög das Füür niemals erlösche!

dä Nathi

peäs: Dä Treffpunkt fürs Gebet vorem just-life isch zur allgemeine Info immer im undere Stock bim Sitzecke! 

Gebätsabig am Fritig, 2. Juni!

De Fritig isches wider so wiit…de nöchscht Gebätsabig, wo mer als Chrischte vo de Kanti zämächömed, staht vor de Tüür. Mi wänd mitenand euse Gott lobe und priise, fürenand da si, ustusche und Gott eusi Schuel herelegä. Gott cha Herze parat mache für ihn und mit sim Heilige Geischt eusi Schuel vo Grund uf verändere.
Es wär u lässig wenn de Fritig möglichscht vill Lüüt chönted cho, sägeds doch allne wiiter wo ihr känned, ermuetiged enand gägäsitig und chömed mit eme offnige Herz für Gottes Würke.
Gby und bis am Fritig, 19.30 i de Baptischtegmeind zBülach
Patricia

Gebetsziit vorem just-life!

Nöchschte Sunntig, 14.5, gits es Gebetstreffe am viertel vor 7bni vorem just-life ide Baptischte! Es sind selbstverständlich alli herzlich willkomme! =)

dä Nathi

Fritig, 5.Mai bi de Baptischte…

hei leuts!
es isch ja würkli wieder mal wunderschön verusse und gottes schöpfig strahlt i voller pracht. trotzdem wett ich mir churz ziit ne, zum eu vom fritig-gebätsabig verzzelle.
eus isch nämmli eifach wieder mal so richtig klar worde wie gross gottes gnad für eus isch. es isch so schön zwüsse, dass mir mit allem chönd zu ihm cho und dass nüt für ihn zunwichtig oder zgross isch. au nöd dkzu.
de abig isch u intensiv gsi (3 ½ h!!!) aber mi händ voll chöne uftanke und händ gott eusi schuel eimal me dörfe hilegge. eus isch au bewusst worde, wie wichtig sisch, dass mir als chrischte e einheit bilded. das bedütet jez nöd, dass mir alli glich sind und euse glaube a jesus chrischtus genau glich usläbed. aber euses zäntrum und a was mir eus alli orientiered, söll würkli jesus si.
ich freu mi uf me so aläss und dänked immer dra: the best is yet to come!!!
gottes sägä und es schöns tägli wünscht eu
dpatricia

Fritig 19:30

Dä Fritig, 5 Mai, am halbi 8i hämmer wieder es Gebetstreffe mit Worship idä Baptischtä z'Bülach! Fröi mi!

See ya,
dä Nathi

Am Mittwuch idä 10ni Pause? Am Mittag id BG? Am Fritig idä Baptischtä? Am Suntig vorem just-life? Oder grad alles? – Chum wännd chasch!

Mir händ verschiedeni Treffä, demit jede vo gern möcht au chan cho. (was nöd heisst, dassmer wämmer chan, immer mues cho =)) Nebed dä Zämäküenft idä Schuel hämmer au Treffä denebed, wo nöd im Schuelrahme ine lieged.

Nachfolgend e Zämästellig:

1. Jedä Mittwuch idä 10ni Pause under dä hindere Igangshalle (powerpray =))
2. BG-Mittag am Mäntig im Zimmer 223 vo 11:30-13:00
3. Jewils 1 mal pro Monät idä Baptischtägmeind, 19:30(gebet&worship)
4. Jewils am viertel vor 7bni vorem just-life jugendgottesdienst idä Baptischtägmeind (gebet)

About gebet@kzu.ch

Als Chrischtä, wo ade Kanti id Schuel gönd möchted mir für eusi Schuel istah und zämä eusi Schuel verändere. Mir treffed eus regelmässig zum bettä und worshipä und möchtet eus gegesitig ustusche, ermuetige und stärche. Schliesslich simmer ja one big family!=)

Mer xeht sich a eim vo eusne Treffä!
gebet@kzu.ch

There’s Power in our Prayers! – chapter two

Jipiiiiiiiiiiiiiiii! Dä Blog vo gebet@kzu.ch isch online! Uf dere Platform werded regelmässig die aktuelle news und die nöchschte aläss zfinde sie!

Love and Peace from ya boi!=)
dä Nathi